ඇනෝ විවේචනයක් !

මමත් දැන් බ්ලොග් ලියන්න පටන් අරන් ටිකක් කල් වෙනවනේ, මම වටේ හිටපු යාලුවො 2,3න් දෙනෙක්ටත් බලෙන්ම වගේ ලෙඩේ බෝ කලා  බ්ලොග් කියවපන් කියලා... ඔහොම බෝ කරපු එකෙක් මට අද හම්බවුනාම ඌ මට කියපු දේවල් ටිකක් ඔයාලටත් කියන්න හිතුනා.... මේ යාලුවා යමක් කමක් තෙරුම් ගන්න පුලුවන්, හොඳ මීටරයක් තියන එල බුලට් එකක්....

සෙට් උනාම කතා කරන බයිලා ටික ඉවර වෙලා මම නිකමට වගේ ඇහුවා "කොහොමද බ්ලොග් කියවන වැඩේ නැගලා යනවද? " කියලා.... ඌ කියපි "ඔවු බං තාම කියවනවා" කියල... මම ඇහුවා "සෙට් වෙනවා නේද වැඩේ" කියලා.... ඌ මට ඊට පස්සෙ දුන්නෙ හෙනම දාර්ශනික උත්තරයක්... දිරවගත්තෙත් බොහොම අමාරුවෙන්...

මෙන්න මේකයි කතාවෙ සාරාංශය...




මචන් ඒකත් එක ජාතියක ප්‍රමොශන් කැම්පේන් එකක් වගේ.... හැම එකාම වගේ බලන්නෙ මොකක් හරි කරල හිට් වෙන්න මිසක් වැඩක් ඇති දෙයක් කරන්න  නෙමෙයි. ( මූ කියවපු බ්ලොග් මොනවද කියල නම් මම දන්නේ නෑ ) මට තෙරුන විදියට එක එක ජාතිය උන් ඉන්නවා මේවා ලියන... වැඩක් ඇති දෙයක් කියන්න හදන, පෙන්නල දෙන්න හදන, කරන්න හදන උන් ඉන්නවා ඒත් ඒවා අස්සේ වෙන වෙන ජාතිය එවුනුත් ඉන්නවා...

ජීවිතෙට පොරක් වෙන්න බැරිවුන, කැපිලා පේන්න බැරි උන සමහර උන් ඒ බැරිවුන දේ ගොඩනගාගන්න බ්ලොග් පාවිච්චි කරනවා... උන් තමන් කොච්චර පොරක් ද කියල හැම වෙලේම අනිත් උන්ට පෙන්නන්න හදනවා. ලොකු ලොකු කතා කියනවා හැබැයි සැබෑ ජීවිතේදි ඔය දෙන ලොකු ටොක්ස් වලින් 10න් 1 වත් මුන් ක්‍රියාත්මක් කරනවද කියලා දන්නේ නෑ....

සමහර උන් ඉන්නවා කවදාවත් ප්‍රසිද්ධියේ තමන්ට ජීවිතේට කියන්න කොන්ද පණ නැති ඒවා කියන්න බ්ලොග් ලියන උන්... උන් රට වටේ ඉන්න උන්ට එක එක වැරදි පෙන්න පෙන්න බනිනවා. ඒත් මුන් මේ උඩ දාගෙන බැන්න කියල බනින උන් දන්නේවත් නෑ... අනික මෙහෙම බනින මුන් ගෙ කොච්චර වැරදි තියනවද?

හීන ලොක වල ඉන්න සුරංගනා කතා කාරයොත් ඒ අස්සෙ ඉන්නවා... ඒ වගෙ උන්ගෙ මෙලෝ වැඩකට ඇති කිසිම දෙයක් නෑ.. ඒ අස්සෙ සමහර උන් ඉන්නව උන් හිතන් ඉන්නෙ බ්ලොග් කියන්නෙ උන්ගෙ දෙයක් කියලා. උන් තමයි පොරවල් අනිත් උන් සොක්කො... උන්ට වැඳගෙන තමයි අනිත් උන් ඉන්න ඔනෙ... උන්ට විරුද්දව මොනව හරි කිවුවොත් ඒකව කපන්න මයි හදන්නේ....

අනික බලපන් වැඩක් තියන පොස්ට් එකක් තිබ්බොත් ඒක අගය කරන්නේ කී දෙනාද කියලා? හැබැයි හොඳ කුනුහරප 2,3ක් තියන විකාරයක් දැම්මොත් හිට්ස් හෝ ගාලා එනවා... ප්‍රමොට් වෙන්න නම් ලේසිම විදිහ කුනුහරප 2ක් 3ක් ලියන එක....

අනික බං පොර ටොක් දාර්ශනික ටොක් දෙන ලොකු ලොකු උන් පොඩි උන්ට අල්ලන්නෙත් ලොකු ලයින් නෙමෙයි ද? සමහර කොන්ද පන නැති @&&%$^  කමෙන්ට් කරන්නේ ඇනොනිමස් විදියට... ඒ එක්කො චොර වෙයි කියල බයට නැත්තම් කැපෙයි කියල බයට. ඔච්චරට බය නම් මොකද බං කමෙන්ට් කරන්න යන්නෙ?

ගොඩක් උන් බ්ලොග් ඇතුලේ පෙන්නන්න හදන ප්‍රතිරූපය ඇත්ත ජීවිතේ ගෑවිලාවත් නැතුව ඇති....

බ්ලොග් වල හොඳ දෙවල් තියනව බං මම ඒක නෑ කියන්නෙ නෑ... විවිධත්වයක් තිබුනේ නැත්තම් කිසිම දේක ගතියක් නෑ කියල මම දන්නවා... ඒත් බං සමහර ජොකර්ල හින්දා හොඳට තිබ්බ දේවල් දැන් ටික ටික චොර වෙනවා කියලයි මට හිතෙන්නේ..

සාරාංශය ඉවරයි...


මට එවලේ මුට මොනවා කියන්නද කියලා හිතාගන්න බැරි උනා. එත් මූ මොනව කිවුවත් ඒ කියන හැම දේකම පොඩි හරි ඇත්තක් තියන්ව නේද කියල මටත් හිතුනා...  මම තවත් මූව ෆොම් නොකර " මචන් මිනිස්සු එක වගේ නෑනේ, අනික මිනිස්සුන්ට අදහස් ප්‍රකාශ කිරීමේ අයිතිය තියනවනෙ, කවුරු මොනව කිවුවත් හොඳ නරක් තේරුම් ගන්න අපිට පුලුවන් නම් එතනින් එහාට අවුලක් නැනෙ" කියලා වෙන කතාවකට බැස්සා...

මම දැන් ඔය මොන ගොඩෙද කියලත් මම ඇහුවා... ඌ ඒකට දීපු උත්තරේ ප්‍රසිද්ධියේ කියන්න අමාරු නිසා මම නොකියා ඉන්නම්... :පී  මටනම් මේක විනෝදාංශයක්... ( හැබැයි මේකට සෙට් උනේ මගේ යාලුවෙක් ගේ මගපෙන්වීමක් යටතේ ) බ්ලොග් ලියන හැමෝටම ඒක විනෝදාංශයක් විතරමද?

කවුරු හරි ඇහැව්වොත් ඔයා බ්ලොග් ලියන එකේ අරමුණ මොකක්ද කියල ඇත්තටම හිතට එකඟව ඔයාලා දෙන උත්තරේ මොකක් ද?