මරා පරාජය

ඒ මෙහෙයුමත් අදින් අවසන් ය..... හැබැයි සැබෑ යුද්ධය තාම ඉවර නැත. කුණුහරපයක් වගේ උනාට ඇත්ත කතාව මෙය ය. මෛත්‍රීපාල මහත්තයා ජයග්‍රහනය කලාට වැඩ පටන් ගන්නේ හෙට සිටය..... එතුමා ට මොන ගිනි ගෙඩි පාත් වේ දැයි කිසිවෙකුත් දන්නේ නැත.... දැන් ඇත්තේ බලා සිටීමටය.

මුලින්ම මැකො හට ස්තුති කල යුතුය..... ඌ නම් රියල් පොරක් ය. උන්නද මලාද දන්නේ නැති ගානට චන්දෙ ඉවර උනේය. නිවාඩු නොතිබෙන්නට, පාරෙ වාහන අඩු නොවෙන්නට එයත් සාමාන්‍ය දිනයක් ම වනු ඇත. දන්න තරමින් චන්දය සාමකාමී හා සාධාරණය....... එකෙක්වත් ජිල්මාට් කියා කෑ ගැසුවේ නැත. කොහොමහරි වැඩේ ලස්සනට නිම විය..... සම්බන්ද වූ හැමෝටම පිං ය...

මහින්ද මහත්තයා පරාජය බාරගෙන නම්බුපිට ඉවත්වී ගියේය..... එක අතකින් දුකය දෙපාර තුන්පාර නොකරන්නට ඔහු අද නික්ම යන්නේ මිනිසුන්ගේ කර උඩින් රජෙක් විලසය..... ඒ හැමොගේම ආශිර්වාද මතය.....  තන්හාය ජායතී සෝකෝ යන්න උදාහරණ සහිතව ඔප්පු වී හමාරය...

මොකද යකෝ මේ වෙන්නේ !

2014 අන්තිම දවස.... තවත් අවුරුද්දක අවසානය. ඒත් බං දැන් මේ වෙන මගුල් එක්ක 2015 ගැන හිතන්නත් බයයි වගේ. එහෙන් ගං වතුර, නාය යෑම්, ඒ අස්සෙ හෙන ගහන්න වගේ ප්ලේන් නැති වෙනවා. ඒ අස්සෙ අච්චර දුප්පත්, එදා වේල හරියට කන්න නැති මිනිස්සු ගොඩක් ඉන්න ඉන්දියාවේ ඉදලා හදිස්සියේ සල්මන් එනවා මේහේ මිනිස්සුන්ට සායනද මොනවද තියන්න..... එහෙ කට්ටිය නැති නිසා වෙන්න ඇති මේහෙ එන්න ඇත්තෙ!!! ඒ අස්සෙ හොඳම ආතල් එක චන්දේ.....

ඇත්තටම බං රටේ නායකයා තොරන්න හදන මේ චන්දෙට වෙන ඒවා දැක්කම බඩ පලාගෙන මැරෙන්න හිතෙනවා. ඒක්කො මුන් හිතන් ඇත්තේ අපි හරක් කියලා, සමහර විට ඇත්තත් ඒක වෙන්න ඇති. මේ යන විදියට නම් සංවර්ධනය කියන එක අපිට හීනයක් විතරයි..... ඔක්කොටම කලින් මුල් ලමාවිය සංවර්ධනය කරන්න වෙනවා මුලු ලංකාවෙම. එතකොට නම් යන්තම් හරි මොනවා හරි වෙයි. ලැජ්ජයි ඔයි මේ කලා කාරයො කඩේ යන විදිය දැක්කම, අන්තිමට චන්දේ කාගෙවත් ගුටි කන්නෙ කවුරුත්...!  මැකෝ කෑ ගහනවා අරකයි මේකයි කියලා, ඒත් මැතිවරණ ප්‍රචාරක තොරන රාජයෝ දිලිසි දිලිසි බැබලෙනවා.

පොලිසියත් මරේ මරු... අපි හෙල්මට් එකක් නැතුව ගියොත් අල්ලන මුන් එක වෙලාවකට කුක්කො වගේ. පොස්ටර් ගහන උනුත් සද්දේ දාලා යනකොට සද්ද නැතුව ඉන්න උන් අර කැම්පස් කොල්ලො ටිකක් පාරට බැස්සොත් සිංහයෝ වෙන හැටි කොහොමද!!! ඒ අස්සෙ වරෙන්තු තියන උන් VIP departure වලින් tour ගිහින් එනවා වොයිස් කට් දීගෙනම. අනේ වාසනාවන්

කරලියට නැවතත්

ලිවුවේ තියා මාස ගානකින් කියවන්න වත් හම්බවුනේ නෑ....... වෙලාවක් නැතිකමටත් වඩා එහා ගිය පට්ට කම්මැලිකමක් ඇඟට කා වැදිලා මුල් බැහැලා ගලවගන්න බැරි පිළිලයක් වෙලා. හේතුව මොකක් ද කියලා මමත් හොයනවා. මොනවා උනත් නිදහසේ තිබ්බ ජීවිත එක එක නම් තියන බිත්ති අතරෙ හිර උනාම, මෙලොම ආසාවක් නැති දේවල් කරන්න දෙයක් නැතිකම හින්දම කරන්න උනාම, මිනිස්සු ඉවක් බවක් නැතුව නන්නත්තාරේ දුවවන කාලසටහන් වලට දුවන්න උනාම මිනිස්සුන්ට එහෙම වෙනවා ඇති....... එත් ඒ හැම දේකටම ඉඩදීලා පරාජය බාරගෙන ඒ හැලියෙම හැඳිගෑවිලා යනවට වඩා ආසාවෙන් කරගෙන හිටපු දේවල් කරන්න උත්සාහ කරන එක හොඳයි කියලා හිතුනා. ඒ හින්දා ආයෙත් පටන් ගත්තා......

මේ ලඟදි දවසක මනො පාර ගහගෙන බස් එකේ එනකොට කාර් එකකින් සිරාවටම ලස්සන කෙල්ලෙක් මම හිටපු බස් එක පහු කරගෙන ගියා..... අනිත් උන්ට වාගෙම පෘතක්ජන හිතක් තියන මටත් ඒ වෙලාවෙ අනේ මටත් මෙහෙම එකක් තිබුනනම් කියලා හිතුනා. කෙල්ලව නෙමෙයි කාර් එක! මොකද දන්න කාලෙ ඉඳන් ම පට්ට කෑලි වලට වඩා ආස කලේ පට්ට කාර් වලට. අනික ඉතින් පට්ට කාර් එකක් කියන්නෙ ඉතින් ටිකක් දැගලුවහම කෙල්ලෙක් හොයාගන්න පුලුවන් ජාතිය එකක් නේ. ඔහොම හිතන් ටික දුරක් යනකොට පාර අයිනේ ඉඳගෙන ඉන්න හිඟන දරුවෙක් දැක්කා...... හිඟන කියන වචනෙන් ඒ ළමයව නිර්වචනය කරන්න මට අයිතියක් නෑ, එහෙම කිවුවෙ අවස්ථාව අර්ථදක්වන්න. මොකද දුප්පත් කම කියන එකත් සාපේක්ශයි නේ. කොහොම හරි ඒ වෙලාවෙ මට හිතුනේ ඒ ළමයත් අපි දිහා බලලා එහෙම හිතනවා ඇති නේද කියලා......

කතිරෙ

පක්ශ 22ක්,

අපේක්ශකයන් 946ක්,

සියල්ල තීරණය කරන කතිරයක්,

චන්ද පොලවල් ගොඩක්,

පෝලිම් වල ඉන්න හරක් රැලක්,

පොරොන්දු ගොඩක්,

කඩවෙන කාලයක්,

ඉදිරියේ ඇති බවක්,

දැන දැන කරන මෝඩ කමක්,

ඒකෙන් බැට කන මිනිසුන් ගොඩක්,

බනී ඉදිරියට ගොඩක්,

තම වරදින්ම පත්වුන,

946න් අතලොස්සකට,

නැවත නැවතත්,

සිදුවෙමින් මෙය,

ගලා යයි කාලය,

සියල්ල සුනු විසුනු කරගෙන..........................

වැලන්ටයින්, පොය හා පොඩි නංගි

මාස දෙකකට විතර පස්සෙ අදයි මේ පැත්තට ගොඩ උනේ.... වෙලාවට පොය දවස උනේ. නැත්තම මොකො බං ගෙදර කියලා හැම එකාම අහනවනෙ. ඇයි යකෝ වැලන්ටයින් නැති උන් ඉන්න බෑ වගේනෙ මුන් කතා කරන්නේ. කොහොම කොහොම හරි බ්ලොග් එක පැත්තෙ එන්න අවස්තාවක් ලැබුනනෙ ඒකෙන් හරි.

වැලන්ටයින් ගැන කිවුවොත් ඉතින් කියන්න තියෙන්න කඩ කාරයෝ පොහොසත් කරන මගුලක් කියල තමයි... මොකෙක් ට හරි ආදරේ කරනවනම් එක දවසක විතරක් විශේෂයක් මොකටද??? කොහොම කොහොම හරි පාර්ක්, ෆිල්ම් හොල් වහලා හින්දා සූ සූ ගාලා සෙනග ඇති රූම්ස් දෙන තැන් වල.... ඇයි ඉතින් ලවු කරන්න කියලා පන්සල් යන්න කියලයැ... හැබැයි මමනම් කියන්නෙ බොක්කෙන් කරන ලවක් නම් රූම් එක පැත්තකින් තියලා පන්සලකට ගිහින් මලක් පූජ කරල පහනක් පත්තු කරල ආවනම් ඒක සමහර විට අනාගතේට ආශිර්වාදයක් වෙයි.... අනික කොල්ලෙක් එක්ක පන්සලේ හිටියා කියලා මිනිස්සුන්ට බනින්නත් බෑනෙ.

රැල්ල යන අතට ඉස්සර හැමෝම පස්සෙන් ගියාට දැන් රැල්ල යන විදියට යන්න ගියොත් කොහෙන් කෙලවර වෙයිද දන්නේ නැති එකේ රැඩිකල් වෙන්න ට්‍රයි කරන එකත් නරකක් වෙන එකක් නෑ ඉස්සරහට. ආදරේ කරනවට සමාජයේ තියන ආකල්පය නම් ටිකක් අවුල්...... කෙල්ලෙක් කොල්ලෙක් එකට ඉන්නවා දැක්කොත් අපේ උන් කොහෙන් හරි කතාවක් හදයි.. ආදරයයි රාගයයි කියන්නේ එකට යන දෙයක් කියල තෙරෙන්නෙ නැති අපේ මිනිස්සු ජෝඩුවක් අනාචාරයේ හැසිරුනා කියලා දැන ගත්තානම් උන් දෙන්නව මැරෙණකම් හංවඩු ගැහුවට ඒ හංවඩු ගහන උන්ට උන් ඒ කාලේ බඩවැටි වල කැලෑ රොදවල් වල කල ඒවා මතක නැතුව ඇති මයෙ හිතෙ...

සත් ගුණවත් බාර් එක

කුකුලා අතේ තියාගෙන බාර් එකකට ගිහිල්ලා තියනවද???? ලඟදි දවසක බාර් එකක් අරිනකන් ඒක ඉස්සරහ බලන් ඉන්න උනා. කොහොම කොහොම හරි බාර් එකේ දොර අරිනකම් ඉඳලා ඇතුලට ගියාම එකේ ඉන්න එකා කියාපි පොඩ්ඩක් ඉන්න පහන තියලා එන්නම් කියලා..... මූ මල් තියලා පහන පත්තු කරලා හදුන්කූරු 2ක් අරගෙන බොතල් වලට දුම් ඇල්ලුවා. අඩන්නද හිනා වෙන්නද කියලා හිතාගන්න බැරුව ගියපු එකයි මමයි මූණට මූණ බලාගත්තා.

අපේ මිනිස්සු සුභ දෙයක් පටන් ගන්නකොට ආගම දහමට මුල් තැන දෙන එක ඇත්තටම හොඳ දෙයක්. හැබැයි ඒ මුල් තැන දෙන එක කොතරම් දුරට දැනුවත් වීමකින් කරනවද කියන එක ඇත්තටම මට ප්‍රශ්නයක් උනේ එදා. කරන්නම් වාලේ කරන දේවල් දිහා දැක්කම පවු කියලත් හිතෙනවා. කන්න ගියාම කබරයත් තලගොයා වෙනවා කියලා කතාවට කිවුවට දැන හෝ නොදැන හරි මෙහෙම දේවල් කරන එක තමන්ගේ ආගමටත් අගෞරවයක් නෙමෙයිද!

ගංජා කාරයා

දුම් බීම හෘද්‍යාබාද ඇති කරයි කියලා පෙට්ටියේ කොච්චර ගහලා තිබ්බත් දවසකට ලංකාව ඇතුලේ සිගරට් කෝටි කීයක් විකිනෙනෙවා ඇත්ද! සෞඛ්‍යය ට කොච්චර හානිකර උනත් මොකක් හරි ආතල් එකක් තිට කොච්චර හානිකර උනත් මොකක් හරි ආතල් එකක් තියනවා නම් මිනිස්සු ඒ දිහා නොබලා ඒක මගහරින්නේ නෑ ගොඩක් වෙලාවට. දවසකට පාර අයිනේ, කඩ පේලියේ කොනක, වාහනයක් ගාව, නැත්තම් කොහෙ හරි අයිනක මිනිස්සු කී දාහක් සිගරට් බොනවද! අපි කොච්චර ඒ දේ දකිනවද???? ඒත් අපි ඒ දේ ගණන් ගන්නෙ නැත්තෙ ඒක අපිට හුරු පුරුදු දර්ශනයක් නිසා වෙන්න ඇති. හැබැයි කොල්ලො දෙතුන් දෙනෙක් මුල්ලකට වෙලා ජොයින්ට් එකක් ඔතනවා දැක්කොත් හරි ගහනවා දැක්කොත් හරි මොකද වෙන්නෙ????

කොල්ලෙක් එක පාරක් ගංජා පාරක් ගහනවා දැක්කොත් ඌ ගංජා කාරයා කියලා උගේ ජීවිත කාලෙටම හංවඩු ගහනවා...මේක කොච්චර දුරට සාධාරණද! ඇබ්බැහි වෙනවා කියන එක නිකම්ම වෙනවා කියල හැමෝම කිවුවට මමනම් ඒක කොහෙත්ම පිලිගන්නේ නෑ. ඇබ්බැහි වන එක නොවෙන එක තීරණය වන්නේ තමන්ගේ අවශ්‍යතාව මත මිසක් පාවිච්චි කරන දේ මත නෙමෙයි. දවසට සිගරට පැකට් 2, 3 බොන උන්ට මිනිස්සු සිගරට් කාරයා කියන්නේ නැත්තම් ඇයි මේහෙම ගංජා ගහන එකාට ලේබලයක් ගහන්නේ???? මම නම් සම්පූර්ණයෙන් ම විරුද්ධයි මේ කතාවට.

ගංජා වලට ඇබ්බැහි වෙනවා කියන එක නම් සම්පූර්ණ බොරුවක්.... මොකද ගොඩක් අය දැකලා තියෙන්න ගංජා ගහන උන් උනාට මම ගංජා නාන උන් වත් දැකලා තියනවා. හැබැයි ඒ මිනිස්සු "නැ බං අද බෑ, උබලා ගහපල්ලා" කියනවත් මට ඇහිලා තියනව.... ගංජා සුරුට්ටුවක් ඔතලා ගහන උන් මෙල්බොරො ග්‍රීන් එකක් බොනවා දැක්කොත් අපේ මිනිස්සු ඌට මුකුත් කියන එකක් නෑ සමහර විට..... මොකද මොන වැරැද්ද උනත් පොශ් විදියට කරනවා නම් අපේ උන්ට ඒක වැරැද්දක් විදියට පේන්නේ නෑන.